السمطة ... مجموعة ناس الغيوان

من طرف ni3ma 2009-10-22, 17:05

السمطة

يَا وَلْفِي رزق شي ف شي والدايم الله
فتحة ف گلبي ب دگة صْعِيبَة
ولا نحكي على حبابي . . . حالي يا مَگـْوَاه
خداتهم الغربة ف صنارة وسْبِيبَة
صار البحر جَبَّانّة وُالحُوتْ جاه عْشَاهْ
الشط بعيد. . . والبوغاز راه فين راه
فين غادي ؟
الدراع عْيَا . . . ولمواج گـْلِيَبة
لَهْوَاعَة خَادْ الثمن ودا المجداف معاه
المركب يغرق . . . والموت قريب
وَاشْ قْبْلْهَا ؟
شهدو احبابي بالله . . .
مـــا أنـــا وحـدانـــي مـــا أنـــا بــــرانـــي
أنــــــا مـــواطـــــــن والسـمـطـة عـلـيــــا
والـجـنـوي مـاضــي يــجـــرح يـــديــــــا
الـعـمـارات عـالـيــة لـكـواخ مـردومـيـــن
لـمسـابـح دافــقـــــة لـفدادن مـحـروقـيـن
الدنيا غادية يا اهلي ب حال الـمسـكـيـــن
أرضـــي عــاطــيــة كنوزها مـفـتـوحـيـن
لـوحـوش الضاريـة انيابهـــا مَـمْـدُودِيــنْ
شـمـسـي ضـاويـــة لبيــوت مـغـموقـيــن
بـحـوري عـامــــرة وحـنـــا جـيـعـانـيـــن
الدنيا غادية يا اهلي ب حال الـمسـكـيـــن
وَالسَّجـَـانَــة حَلُّوا يَا وِينْ بِيبَانْ لســـجـــــان
والسجــانــة شعلو قنديل وِيْبَانْ النـُّـــــورَانْ
والسجــانــة يخرج الولد من بين لكفـــــــان
تهبى لجمار وتزول عليه من صعود النيران
وَالظَّلْمَانْة يكفى تعذيب ل هاد العــــــالـــــــم
يكفـــى همــاج راه حــنـــا أولاد العـــالــــــم

السمطة ... مجموعة ناس الغيوان Icon_jokercolor

.:: الإعلانات والتبادل الإعلاني مع منتديات قاسمي نت ::.