جيل جيلالة ... الليمـــــــــــــــــــــين

الليمـــــــــــــــــــــين



يا دوك الليمين رفقو من حالي
علاش تعيبو فقولي و فعالي
شدرت انا شدرت في ما يجرالي
ماناش الي خترت لعيوب ديالي
علاه انا يوم صبت راصي فالدنيا جيت بالشوار
علاه انا يوم زلقوني رجلي كن لي خبار
ياك هنا حليت عينيا
وهنا لاغيت مع من رباني
حبيت فالارض على ركابية
و قريت لي قريت بحال قراني
ا دوك الليمين رفقو من حالي
علاش تعيبو فقولي و فعالي
شدرت انا شدرت في ما يجرالي
ماناش الي خترت لعيوب ديالي
طلقوني نرعا ماليا و سط الزنقا نصيبها غابة مخفية
نصيبها غابة مخفية ضعيفها عادم الحمية
تبعت الواد للي حمل بيا حملة و حدة مشيت فيها و داني
هاني فين الواد رماني
ا دوك الليمين رفقو من حالي
علاش تعيبو فقولي و فعالي
شدرت انا شدرت في ما يجرالي
ماناش الي خترت لعيوب ديالي