كلام الغيوان .... يوم ملقاك

من طرف **ضربة حظ** 2010-11-24, 16:40

غْبتِي مْعَ غروب الشمس هي اليوم شْرْقَات وُفِينْ اََنْوَارْكْ أنْتَ

رْحْتِي مْعَ فْرَاكْ لَطيَـــــارْ هي اليوم غْنّـــاتْ وفين ألحَانْكْ أنت

وُصْلتِي فْ إيَّام الرّبِيــــعْ هو اليوم خْضْـــرْ وفين ازْهاَرْكْ أنت

رحتي مع فْجْر العِيـــــــدْ هو اليوم عـَـــلاّمْ وفين عِيدْكْ انت

رحتي مع ميَاهْ العِيــــــنْ هي سـَـــارْت ْوَادْ وفين وَادْكْ أنت

رحتي بحال طير جريــح هو صـــَـابْ دْوَاهْ وفين دْوَاكْ أنت

إلى كان مَلْقَاكْ فْ الغِيبْ مْقَدّرْ نَصْبَرْ

وَاصَبْرِي فَاتْ العَادْة . . .

آمَا دْرَى يَا لِيَّامْ . . .

وَاشْ اللّقَاءْ قِْريبْ رَاهْ القَلْبْ مْكَدّضرْ

يُـــــــــــومْ مْلْقـَــــــاكْ يُـــومْ فْرْحـِــــي وَهْنـَـايَــــا

شْمْلي يْولّي مْلمُـــــــومْ نور السلام يْلُوح ْفْ سْمَايَا

أنا وْيَا الحِِيطْ ابْكِــــــــي أنَــــــا وْفِيــــــــنْ مْوَالِيـــكْ

أنَا اللّي كَانُوا فِيـــــــــكْ

الله عْلِيكْ أيّام ِزينَـــــــة مْوَالِيهـَــــــــا رَاحْلِيـــــــــنْ

الله علِيكْ أيّام ِزينَـــــــة مواليهـــــــــا فَايْتِيــــــــــنْ

قلبي تقطع بْلْمْــــــوَاسْ مَا جــَــــا بَرَّا نْلُوحـُـــــــــه

مَنْ كَانْ كْوَّايْ للنـّـــاسْ يِصْبَرْ للكْيَّاتْ رُوحُــــــــــه

يَا قَلْبْ نْكِْويكْ بِالنَّــــــارْ وُإلَى بْرَدْتِي نِْزيــــــــــــدْكْ

يَا قَلْبْ خْلْفْتِي العـَــــــارْ وُتِْريدْ مَنْ لاَ يْرِيــــــــــدَكْ

المْحْبّة مَسْلَكْ الذْهْــــبْ الصَّافِي مَنْ نْحَاسُــــــــــــه

ِريتْ مُولاَهَا يِتْرَطـَّــــبْ لَعَلـَّـــهُ يْسَلـَّـــكْ رَاسُــــــــه

يَا ِويحْ مَنْ طَاحْ فْ بِيرْ وُصْعَابْ عَنُّه طـُــلُوعـُــــــه

فَرْفَرْ مَا صَابْ جْنْحِيـنْ بْكَا مَا نْشُفوُ دْمُوعـُــــــــــه

اللّي عْلينا احْنَا دْرْنـَـاهْ اللّــي عَلْ الله بـِــــــهْ ادْرَى

خِيطْ المَحَبّة فْنِينَــــــاه مَا خَصْتُه غِيرْ المَــــــــدْرَة

آيَا مَدْرَى مَـــاذَا لِــــي مَلْسُـوعْ بْنَارْ غِيوَا نِــــــــي

سَرْتُ مْلاَزْمْ لَبْكـَـــــــا جْفَانِـــي وَسْــــطْ كْنَانِــــــي

من طرف دنيا اللطيفة 2010-12-02, 14:28

السلام عليكم و رحمة الله
تشكر اخي على الكلمات الرائعة
للمجموعة المتميزة
باركك الله

.:: الإعلانات والتبادل الإعلاني مع منتديات قاسمي نت ::.

كلام الغيوان .... يوم ملقاك

كلام الغيوان .... يوم ملقاك

رد: كلام الغيوان .... يوم ملقاك